Promovohet libri i katërt i shkrimtarit dhe Ish-Prefektit të qarkut Fier Z. Baki Bala.

Baki Bala-SFIDUESI

Fati e vuri në sprovë, duke e vënë në kënd, e duke e grushtuar pa mëshirë madje dhe poshtë brezit duke e lëkundur fort, por pa e nënshtruar.

Ndërsa Ai vijon të sfidoj, duke e përqeshur çdo ditë atë që fati ka rezervuar si për të provuar se ushtarakët lindin për të luftuar.

Ky është rasti i kolonelit Baki Bala që sëmundja monstër e privoi nga mundësia për të shërbyer si prefekt por pa mundur ta demotivoj për të frymëzuar si shkrimtar.

SIKUR TA DIJA … libri i katërt i autorit Baki BALA vjen si një mesazh se: fatin as nuk mund ta zgjedhësh e as nuk mund ta gjykosh, por ta pranosh dhe nëse e ke kundër ta sfidosh .

SIKUR TA DIJA … ishte ftesa dhe arsyeja e mjaftueshme për të bërë bashkë familjar, koleg, miq e bashkëpunëtor të autorit Baki BALA, jo vetëm për të bërë kritikën përmes znj. Majlinda Nana Rama por edhe për ta sjell Bakiun në dimensione të tjera profesionale e njerezore, si ushtarak i nivelit të lartë, si prefekt i qarkut Fier, si familjar dhe si mik.