Takimi i Tryezës Teknike Rajonale të Luftës kundër Trafikimit të Personave.

Në takim ku pati  pjesëmarrje të plotë u diskutua konkretisht duke ju referuar edhe rastit të Lushnjës, për fenomenin e trafikimit të qënieve njerëzore si një problem dhe plagë serioze e shoqërisë shqiptare.Në këtë kontekst,Prefekti i Qarkut z.Lefter Shehaj,thesoi domosdoshmërinë e përforcimit të masave parandaluese,përcaktimin e detyrave dhe përgjegjësive të Komitetit dhe Tryezës Teknike të Antitrafikimit për të luftuar dhe minimizuar këtë fenomen. Duke nënvizuar katër fazat për luftimin e trafikimit të qënieve njerëzore. Ai theksoi rëndësinë e veçantë që i duhet kushtuar punës edukative dhe informimit të  nxënësve nëpër shkolla nga një staf koordinatorësh të trajnuar mirë dhe me eksperiencë. Gjithashtu emigrimi i paligjshëm është shkak dhe pjesë përbërse e trafikimit të qënieve njerëzore.

Sekretari i përgjithshëm i Prefekturës së Qarkut z.Arben Velo,pasi analizoi shkaqet,kushtet dhe situatat që ndikojnë në shfaqjen e nje dukurie të tillë siç është gjendja

ekonomike,varfëria,familjet e divorcuara, shtresat vulnerabile,familjet rome,pakicat egjyptiane,

e tj, në fjalën e tij kërkoi aktivitete dhe rezultate konkrete nga puna e bërë në terren:

Duke u referuar në rastin konkret u kërkua një informacion i detajuar për procedurën dhe veprimet që janë bërë për trajtimin dhe monitorimin e rastit.

Përgjegjsja e kujdesit social për gratë dhe fëmijët, znj.Valbona Myzeqari sqaroi se ka patur kontakte të vazhdueshme me komisariatin e plicisë vendore si dhe kanë intervistuar denoncuesin i cili ka regjistruar një kallzim edhe në Prokurori për një hetim të thelluar.Nga informacioni del se gruaja e larguar nga streha familjare është larguar jashtë Shqipërisë drejt shtetit të Spanjës, ku ka krijuar një lidhje dhe një jetë të re dhe siç deklaron “ jam e lumtur”

Prefekti i Qarkut z. Lefter Shehaj  theksoi se duke u bazuar tek kjo deklaratë e gruas 19-vjeçare, duhet konsideruar si një indicje për një rast trafikimi.

Përfaqësuesi i DVP Fier deklaroi se nuk ka një informacion të detajuar  për rastin dhe në vazhdim dotë punohet për të marrë të dhëna nga sistemi TIMS pasi të ketë dalë një urdhër nga Prokuroria.

Prefekti i Qarkut theksoi bashkëpunimin dhe veprime më efektive nga organet ligjzbatuese për monitorimin dhe zgjidhjen e rasteve të tilla.

Gjithashtu u kërkua nga të gjithë pëfaqësuesit e institucioneve në takim,konceptimi i një kalendari aktivitetesh antitrafikim ku të jenë përcaktuar në detaje të gjitha veprimtaritë dhe vendet në kohë dhe në hapësirë.

Drejtoresha e DRA-së foli për punën e mirë dhe aktivitetet që organizohen në shkolla \me qëllim informimin dhe sensibilizimin e nxënësve në lidhje me fenomenin Antitrafikim. Ajo kërkoi dhe mbështetjen e bashkive për sponsporizimin e nxënësve me materialet e nevojshme.

Gjithashtu u vendos organizimi i ekspozitave me krijimet e nxënësve piktorë të shkollave të qytetit me tematik Antitrafikimin, duke e finalizuar këtë me një ekspozitë në ambientet e Prefekturës se Qarkut, ku do të shpërndahen edhe certifikata vlerësimi për pikturat më të mira.

U vendos që  të ndiqet në vazhdimësi rasti i diskutuar më sipër, në bashkëpunim me NJMF Lushnje dhe ne koordinim me Komisariatin e Policisë dhe Prokurorinë Lushnje.

Në fund u miratua kalendari  paraprak i aktiviteteve të KRAT Fier , i cili do të pasurohet në vazhdimësi nga institucionet tona , sipas natyrës së institucionit.

Në përfundim të kësaj mbledhjeje dolën këto përfundime dhe rekomandime:

• –Bashkëpunimi dhe adresimin e problematikave të ndryshme në luftën për parandalimin e trafikimit të qenieve njerëzore.
• -Sensibilizimi dhe organizimi sa më shumë dhe më shpesh i veprimtarive dhe aktiviteteve informuese, edukative dhe parandaluese antitrafikim.
• -Bashkëpunimi i gjithanshëm i institucioneve vendore dhe atyre ligjzbatuese për krijimin e një ambienti parandalues dhe ndëshkues ndaj fajtorëve.
• -Plotësimin dhe rifreskimin e kalendarit të aktiviteteve nga anëtarët e KRAT, sipas kushteve dhe mundësive duke ju përmbajtur kalendarit paraprak.