Takim ndërmjet Konfederatës së Sindikatave të Shqipërisë dega Fier, dhe aktorëve lokal.

Ndërmjetësimi dhe pajtimi, instrumentet që minimizojnë kostot e mospajtimit dhe ulin temperaturën e konflikteve sociale.

Në ambientet e Institucionit të Prefektit të Qarkut Fier, nën drejtimin e përfaqësuesëve më të lartë të Konfederatës së Sindikatave të Shqipërisë u organizua një takim me KSSH , dega Fier dhe aktorët lokal me role të caktuara në marrëdhëniet midis punëmarrësve dhe punëdhënësve .

Takimi synonte promovimin e Ndërmjetësimit e Pajtimit si mënyra të zgjidhjes së mosmarrëveshjeve pa kosto, si dhe të zyrave të ngritura për të adresuar pretendimet e palëve, në frymën e gjetjes së zgjidhjeve pajtuese.

Duke përfituar nga mundësia që mu dha për të përshëndetur takimin dhe punimet e tij, vlerësova organizatorët dhe pjesëmarrësit e takimit si dhe gjithë të angazhuarit me projektin që promovon zgjidhjet miqësore të konflikteve në punë me ndërmjetësim e pajtim.

Kërkova vëmendjen e palëve për të vlerësuar delikatesën e mardhënies punëdhënës-punëmarrës dhe tërësinë e interesave që merren peng nga konfliktualiteti mes tyre.

Duke u kujdesur për dinjitetin e palës punëmarrëse nuk duhet t’ja lejojmë vetes të biem në armiqësi me punëdhënësit .

Le të pranojmë një këshillë presidenciale rreth kësaj marrëdhënie që na vjen nga Abraham Linkolni

“Nuk ndihmon punëtorët, nëse e kap keq me punëdhënësin”.