Punëtor, nuk është ai që ëndërron për një punë, por ai që punon për një ëndërr .

Që Shqipëria do të regjistroi një tjetër vit të suksesshëm sa i takon eksporteve bujqësore dhe që qarku i Fierit do të vijoj të ketë kontributin më të madh në këtë arritje , kjo tashmë nuk do ” as mend e as kalem “.

Një tjetër shembull që shkon në favor të këtij konstatimi tashmë të gjithë pranuar është edhe rasti i grumbulluesit Sokol Hoxha nga fshati Suk i poshtëm, bashkia Roskovec .

Sokoli, që duket tepër modest kur e raporton me aq shumë sukses të shënuar, tregon se këtë vit nuk ka eksportuar, dhjetëra apo qindra por mijëra ton perime, ku peshën më të madhe e zë bostani .

Në momentin e vizitës time ai kishte 6 trailera gati për ti ngarkuar e nisur drejt eksportit.

Sokoli, tashmë grumbullues, nuk ka hequr dorë nga kultivimi i perimeve në sera . Pasi ka përfunduar vjeljen nga mbjellja e parë , ka porositur fidanët, ka përgatitur tokën dhe është gati për mbjelljen e dytë.

Vullnetit, përpjekjeve dhe përkushtimit të tij i është bashkangjitur dhe AZHBR duke ja mundësuar ëndrrën për të patur një magazinë grumbullimi me standardet më të mira dhe kapacitet frigoriferik prej 300 tonësh, si mundësi për të siguruar standardin e produkteve të destinuara për eksport.

Sokoli tregon se çmimet e eksportit të perimeve të këtij viti kanë qenë jo vetëm shpërblimi i dinjitoz i punës së fermerëve dhe grumbulluesëve por edhe çmimi i motivimit për të vijuar të investohemi në këtë aktivitet.