Takim koordinues dhe sensibilizues për luftën kundër kultivimit të kanabisit për vitin 2024, në qarkun Fier.

Gjatë ditës së sotme në Institucionin e Prefektit të Qarkut Fier, nën drejtimin e Prefektes Znj. Rajmonda Balilaj, dhe bashkëpunim me Drejtorinë e Policisë së Qarkut Fier, me qëllim ridimensionimin e luftës kundër kultivimit të bimëve narkotike dhe për rritjen e bashkëpunimit e të bashkërendimit institucional, u organizua një takimin koordinues dhe sensibilizues për veprimtarinë e luftës kundër kultivimit të kanabisit për vitin 2024, me aktoret dhe faktorët, Qendror dhe Vendor!

Në fjalën e saj, Prefektja e Qarkut Fier, vlerësoi dhe falënderoi strukturat pjesëmarrëse në këtë takim në lidhje me veprimtarinë e tyre në luftën kundër kultivimit të bimëve narkotike përgjatë vitit 2023, duke vënë theksin në efikasitetin dhe punën e bërë nga ana e Policisë së Shtetit, gjë që reflektohet në tendencën e uljes së rasteve të kultivimit të kanabisit.