Takim i Tryezës Teknike Antitrafik , të luftës kundër trafikimit të qenieve njerëzore, Qarku Fier.

Sot më datë 27.03.2024 në sallën e Prefekti të Qarkut Fier, nën drejtimin e Sek. të Përgjithshëm z. Arben Velo, u zhvillua takimi i radhës i Tryezës Teknike Antitrafik  të luftës kundër trafikimit të qenieve njerëzore me agjendë:

• Rishikimi i kalendarit te veprimtarive për KRAT Fier, 2024.
• Mbështetja nga bashkitë për aktivitet që kërkohet kontribut financiar.
• Diskutime mbi fenomene dhe problematika të hasura, në lidhje me përdorimin i rrjeteve sociale gjate periudhës janar-mars 2024.
• Të tjera.

Në takim u theksua  rritja e mëtejshme e bashkëpunimit  dhe koordinimit midis bashkive  dhe institucioneve të qarkut, për zbatimin e kalendarit të aktiviteteve, për sensibilizimin dhe informimin e komuniteteve në lidhje ne fenomenin e trafikimit të personave, mënyrën dhe mjetet për ta parandaluar dhe denoncuar  këtë fenomen.

Rëndësi e veçantë ju kushtua në nevojës emergjente të trajnimit të anëtarëve të rinj të Tryezës Teknike, plotësimit të mangësive dhe rritjen e fondeve për njësitë e shërbimit social kryesisht për nevojat e rehabilitimit të viktimave të trafikimit.

Gjatë periudhës  midis dy takimeve, pjesëtarët e Tryezës Teknike  referuan problematikat dhe  rastet që kanë trajtuar të cilat kanë qenë vetëm tendence për të trafikuar persona vulnerabile, kryesisht nga komuniteti Rom dhe Egjyptian .

Në takim u  diskutua edhe ndikimi negativ, që kanë përdorimi i rrjeteve sociale Tik Tok, Facebook etj.në rritjen e rrezikut për trafikim  të të miturve, nxënësve nga persona të inkriminuar që synojnë të rekrutojnë viktimat e tyre nëpërmjet rrjeteve sociale të sipërpërmendura. Nga Drejtoria e  Policisë së Kufirit u theksua domosdoshmëria e evidentimit dhe denoncimit të rasteve të trafikimit të personave nga elemente kriminalë .