Takimi për paketën e sigurisë në shkolla .

Në Institucionin e Prefektit të Qarkut Fier sot më datë 26.01.2024 u zhvillua takimi i paketës së sigurisë në shkolla me pjesëmarrjen e të gjithë aktorëve kryesorë, shoqërisë civile dhe përfaqësuesve të këshillave të prindërve për të 6 Bashkitë. Prefektja e Qarkut, znj. Rajmonda Balilaj, bëri një prezantim të gjithë elementëve të paketës së sigurisë në shkolla lidhur me:

1. Sigurinë publike dhe perimetrin e sigurisë,
2. Sigurinë rrugore dhe masat e nevojshme për vendosjen dhe mirëmbajtjen e sinjalistikës rrugore, vertikale dhe horizontale, semaforëve të nevojshëm brenda perimetrit të sigurisë së shkollave,
3. Sigurinë ushqimore dhe kontrollet e ushtruara në operatorët e shërbimit ushqimor të kategorive të ndryshme që veprojnë në perimetrin e sigurisë së shkollave,
4. Sigurinë urbane,
5. Kufizimet për ndalimin e duhanit dhe kontrollin higjeno-sanitar në shkolla.

Prefekti i Qarkut ngriti një grup pune për të kryer monitorimin në shkollat e qytetit në të gjashta bashkitë në lidhje me:

1. Vendosjen e sinjalistikës së plotë rrugore, vertikale dhe horizontale, pranë çdo institucioni të arsimit parauniveristar, privat dhe publik,
2. Vendosjen e kamerave të sigurisë në të gjithë perimetrin e sigurisë në shkolla,
3. Vendosjen e pajisjeve për shuarjen e zjarrit dhe marrjen e masave ndërgjegjësuese për shmangien e rrezikut nga zjarri në shkolla.

Gjatë mbledhjes u diskutuan rezultatet e nxjerra gjatë monitorimit nga grupi i punës dhe krahasimi i tyre me raportimet e aktorëve kryesorë të paketës së sigurisë në shkolla.