Takim i Tryezës Teknike për për Luftën kundër Trafikimit të Personave, te qarkut Fier.

Më datë 30.06.2026 në Institucionin e Prefektit të Qarkut Fier u zhvillua takimi i Tryezës Teknike për parandalimin e Trafikimit të Personave. Në këtë takim morën pjesë përfaqësues të  Bashkive të Qarkut Fier, si dhe të institucioneve të tjera pjesë e KRAT Fier.

Të pranishmit në këtë takim u përshëndetën nga  sekretari i përgjithshëm. Z. Arben Velo

Në fjalën tij, Sekretari i Përgjithshëm z. A.Velo u përqendrua në:

Ecurinë dhe aktivitetin e Tryezës Teknike, në evidentimin e rasteve të trafikimit të personave. Mënyrën se si duhet të veprojnë Tryeza Teknike  në koordinim me institucionin e Prefektit dhe Bashkive të Qarkut në luftën për parandalimin dhe evidentimin e fenomenit të trafikimit të personave. Rëndësia e shkëmbimit të  informacionit të vazhdueshëm me Institucionin e Prefektit të Qarkut,.

Nga diskutimet e pjesëmarrësve  u vu në dukje nevoja për forcimin e  rolit të punonjësve socialë dhe psikologëve në shkolla. Kjo do të bëhet e mundur vetëm nëpërmjet marrëveshjes institucionale dhe psikologëve.

Në takim u vu re se ka një bashkëpunim të ngushtë me shkollat, punonjësit socialë, mësuesit, prindërit e nxënësve dhe komisariatit të policisë. Ka tre raste të braktisjes së foshnjave të cilat nuk kanë qenë subjekte trafikimi. Rastet janë menaxhuar nga shërbimi social dhe psikologet, duke u ofruar mbështetje nënave të reja në pamundësi ekonomike për rritjen e foshnjave.

Për sa i përket emigracionit të parregullt  duhet thënë se është rritur numri i të huajve nga vendet e treta që kanë tentuar të hyjnë në mënyrë të paligjshme në territorin shqiptar. Drejtoria e Policisë së  Kufirit, në bashkëpunim me degët Vlorë, Sarandë ka forcuar kontrollet në pikat  kufitare të daljes, si dhe përgjatë vijës bregdetare .Tani ka dhe gjashtë gomone në dispozicion për patrullimin e vijës bregdetare.

Në bashkitë e qarkut Fier, për periudhën Janar-Qershor, nuk është evidentuar asnjë  rast i trafikimit të personave.