Ekspozite e nxënësve të qarkut Fier , në pararendje të ” Ditës ndërkombëtare të zvogëlimit të riskut nga fatkeqësitë “

FUQIA E MESAZHIT DALË NGA MAJA E PENELIT

Sot, në pararendje të ” Ditës ndërkombëtare të zvogëlimit të riskut nga fatkeqësitë ” , holli i prefekturës Fier u shndërrua në “galeri arti” ku 35 nxënës të shkollave të ndryshme të këtij qarku ekspozuan punët e tyre me tematike të fokusuar tek rreziqet nga fatkeqësitë natyrore dhe tek roli i paralajmërimit të hershëm në parandalim, nën moton ” PARALAJMËRO, VEPRO, PARANDALO ! ”

Kjo  ekspozitë  , përveç Prefektit të Qarkut Fier Z. Lefter Shehaj, u vizitua edhe nga Drejtori i AKMC z. Haki Çako, Drejtori i  UNDP për Shqipërinë z. Nuno Querios , përfaqësuesja e ambasadës Suedeze në Shqipëri znj. Linda Gjermani , Drejtoresha e DRAP Fier znj.Flutura Meçaj, ekspertë të vlerësimit të rriskut nga fusha të ndryshme , mësues të shkollave të qarkut Fier etj

Për nxënësit që kishin realizuar pikturat e kësaj galerie u ndan certifikata dhe u bënë dhurata të sponsporizuara nga ana e UNDP.

Një falënderim për mesazhet e përcjella nga penelet e pjesëmarrësve të kësaj ekspozite që nga Ramsesi 6-vjeçar e deri tek 18-vjeçarët e shkollave të mesme .

35 piktura, 35 gjetje, 35 mesazhe, fuqinë e të cilave do ta ndjeni duke vizituar galerinë që vijon këto rreshta .