Prezantimi i Prefektes se re të qarkut Fier,  Znj.Rajmonda Balilaj.

Ministri i Brendshëm Taulant Balla ka prezantuar para Administratës së  Prefektit  Qarku Fier, Prefekten Rajmonda Balilaj. Ministri falënderoj punën kualitative, standardin institucional të Administratës së  Prefektit të  Qarkut Fier , nën drejtimin e  Prefektit të dorëhequr Lefter Shehaj. Ai kërkoj rritje të  cilësisë në standard dhe punë nga  Prefekti Qarku Fier, përballë  sfidave të  reja, në zbatimin e detyrimeve ligjore dhe kërkesave që  duhen plotësuar për të  qenë vend  i denjë, anëtar i BE.

Pas fjalës së Ministrit të Brendshëm z. Taulant Balla, Prefekti në largim . Shehaj në fjalën e tij u shpreh:

“Gjatë ushtrimit të përgjegjësive të detyrës kam punuar për të krijuar modelin e një administrate me integritet etik e profesional, të vëmendshme për të dëgjuar e të gatshme për ti shërbyer zgjidhjes së kërkesave të qytetarëve. Tërhiqem nga kjo përgjegjësi me pretendime për nivelin e problematikave të zgjidhura por me asnjë pishman për nivelin e përpjekjeve për ti trajtuar. I bindur se për asnjë moment nuk e kam kompromentuar imazhin e institucionit të prefektit “.

Në vazhdim  e mori fjalën Prefektja  Rajmonda Balilaj e cila ndërmjet të tjerave u shpreh:

“Privilegj dhe përgjegjësi të marr sot detyrën e Prefektit të Qarkut Fier. Mirënjohëse Kryeministrit Rama dhe Ministrit të Brendshëm Balla, që më besuan këtë detyre, për të cilën do të angazhohem maksimalisht për te garantuar zbatimin e Programit Politik të Këshillit të Ministrave. Mirënjohje e falënderim për punën e deritanishme te Prefektit ne detyre Z. Lefter Shehaj!”

Në ceremoni morën pjesë edhe deputeti i Qarkut Fier Nustret Avdullai, kryebashkiaku  i Fierit Armando Subashi, Nënprefektja e Mallakastrës Mbarime Isufaj etj.