Takim i Komisionit të Mbrojtjes Civile për Qarkun Fier.

Gjatë ditës së sotme, datë 28.04.2026, në institucionin e Prefektit të Qarkut Fier, nën drejtimin e Prefektit, z. Anduel Xhindi, me praninë e Drejtorit të Përgjithshëm të AKMC-së, z. Haki Çako, si dhe të drejtuesve të strukturave vendore, pjesë e Komisionit të Mbrojtjes Civile, u organizua mbledhja e Komisionit të Mbrojtjes Civile për Qarkun Fier me këto tematika:

– Forcimi i masave të mbrojtjes nga zjarri në Qarkun Fier për periudhën maj–tetor 2026;

– Gatishmëria e kapaciteteve teknike, logjistike dhe njerëzore për përballimin e situatave të mundshme emergjente;

– Sigurimi i funksionimit të sistemit të paralajmërimit të hershëm.

Në fjalën e tij, Prefekti falënderoi strukturat e sistemit të mbrojtjes civile në nivel qarku për angazhimin, bashkëpunimin, koordinimin dhe forcën e reagimit në përballimin me sukses të situatave emergjente të krijuara, si dhe kërkoi nga strukturat përkatëse që, me të njëjtën frymë bashkëpunimi dhe përkushtimi, të vijojnë përgatitjet dhe marrjen e masave për përballimin e situatave të mundshme emergjente gjatë verës.

1. Çako, në fjalën e tij, theksoi mbështetjen e vazhdueshme nga ana e strukturave qendrore gjatë situatave emergjente, por kërkoi nga bashkitë një angazhim edhe më të madh për aktivizimin në kohë dhe sa më të plotë të forcave dhe mjeteve të deklaruara, në zbatim të parimit të subsidiaritetit, si një nga parimet bazë të funksionimit të sistemit të mbrojtjes civile.

Më pas, takimi vazhdoi me prezantime, diskutime dhe shkëmbim mendimesh nga përfaqësuesit e strukturave vendore, si dhe me prezantimin e masave të marra prej tyre për përballimin e sezonit veror.