Takim i Tryezës Teknike të Luftës kundër Trafikimit të Personave të qarkut Fier.

Në Institucionin e Prefektit të Qarkut Fier u zhvillua takimi i Tryezës Teknike të Luftës kundër Trafikimit të Personave. Në këtë takim morën pjesë anëtarët e Tryezës Teknike të Bashkive Fier, Patos, Lushnje, Divjakë, Mallakastër. Të pranishmit në këtë takim u informuan nga Sekretari i Përgjithshëm i Prefektit të Qarkut Fier, në lidhje me kalendarin e aktiviteteve të KRAT-it për vitin 2026 në luftën kundër Trafikimit të Personave, dhe dhunës në familje .Në fjalën tij, Sekretari i Përgjithshëm z. A. Velo u përqendrua në:

Dhënien përparësi të bashkëpunimit dhe informimit të institucionit të Prefektit të Qarkut nga institucionet e Bashkive për rastet e referuara të fenomenit të trafikimit të personave.

Përcaktimin e strategjive dhe planit të veprimeve në kuadrin e strategjisë kombëtare.

Menaxhimin e rasteve dhe rehabilitimin e viktimave të trafikimit. Ngritja nga ana e bashkive e strukturave komunitare si një kërkesë e domosdoshme për t’u përmbushur.

Krijimin e një komunikimi, bashkëpunimi me të gjitha institucionet e bashkive të qarkut, përfshirë edhe Drejtorinë Rajonale të Arsimit Fier, shkollat, oficerët e sigurisë, prindërit dhe mësuesit, psikologët e shkollave të qytetit dhe ato në zonat rurale për viktimat e krimit të trafikimit të personave, bullizmin dhe dhunën në familje.

Bashkëpunimin dhe informimin e vazhdueshëm me organet ligj zbatuese për denoncimin e rasteve dhe trajtimit të tyre dhe procedimin e trafikantëve.

Krijimin e një rrjeti të mbrojtjes sociale për shtresat vulnerabile dhe familjet në nevojë.