Intervistë e Prefektit të qarkut Fier në FOXWEB.AL, për situatën e zjarreve në qarkun Fier.

Të gjithë ata që guxojnë të vënë zjarrin, do të vihen përpara ligjit dhe të dënohen në mënyrën më të rreptë të mundshme.

Zjarri i sotëm më 21.07.2023, që dogji rreth 15 hektarë me pishë, dushk e shkurre, në  zonën e Peshtanit në Fier, ka qenë mjaft i vështirë për t’u fikur, kjo për shkak dhe të terrenit të vështirë.

Në një mesazh drejtuar qytetarëve, Prefekti i Qarkut Fier, Lefter Shehaj u ka bërë thirrje gjithë qytetarëve të raportojnë në kohë vatrat e vogla për të mos arritur në situata të vështira.

Gjithashtu ai ka dënuar zjarrëvëniet e qëllimshme, teksa ka theksuar se autorët e zjarreve me papërgjegjshmërinë e tyre dëmtojnë rëndë mjedisin dhe ekonominë e vendit.

Lefter Shehaj: Mesazhi im është drejtuar të gjithë qytetarëve, të jenë shumë të kujdesshëm dhe të vëmendshëm. Të evidentojnë në rastin e parë, rastet e zjarrvënës, të informojnë në mënyrë të menjëhershme strukturat që të kemi mundësinë të operojmë me rastin më të parë të mundshëm, me vënien e zjarrit në kontroll duke evituar pasojat.

Por duhet të çoj edhe një mesazh për të gjithë ata që guxojnë të vënë zjarrin, se do të vihen përpara ligjit dhe të dënohen në mënyrën më të rreptë të mundshme.

Sakrifikojnë me papërgjegjshmëri, ekonominë e vendit, mjedisin interesat dhe paratë e vendit.