” Vepro gjelbër për një të sotme më të mirë, mendo gjelbër për një të ardhme më të sigurt “.

KUJT NUK DO TI LINTE MBRESA PJESMARRJA NË NJË AKSION PYLLËZIMI SË BASHKU ME NJE EKIP STRUKTURA MOSHORE E TË CILIT FILLON ME FËMIJË TË MOSHËS 5 VJEÇ E DERI TEK 60 VJEÇARËT.

Një aktivitet i planifikuar dhe i pamundësuar për arsye objektive, si rezultat i reshjeve intensive të një jave më parë, u mundësua sot .

Bëhet fjalë për një aksion për mbjelljen e 1500 fidanë pisha në nënzonën rekreative të parkut Divjakë-Karavasta .

Ky aksion pyllëzimi ishte frutë i bashkëpunimit midis Stafit të AdZM Fier me grupin e Vullnetarëve për Atdhe të Pastër .

Është e treta herë brenda një viti që unë bëhem pjesë në aktivitete pyllëzimi me këtë grup ku unë jam me statusin e anëtarit si gjithë pjesëmarrësit e tjerë .

Ajo që e bënë të veçantë këtë aktivitet është heterogjeniteti moshor, gjinor dhe gjeografik i pjesëmarrësve.

Gjeografia e pjesëmarrësve shtrihej në gjithë trojet shqiptare .

Vajza e gra, djem e burra përbënin strukturën e aktivistëve të sotëm .

Aksionet e pyllëzimit do të vazhdojnë me fillimin e vitit të ri kalendarik. Synimi i AdZM është që këtë sezon(dhjetor 2022-mars 2023) të mbjell 10 mije fidanë pishë në Parkun Kombëtar Divjakë-Karavasta.