Sjellja ndaj moshimit dhe të moshuarve është një nga treguesit e dinjitetit social të një shoqërie.
07/02/2023
QENDRA E PERSONEL REKRUTIMIT DO TË REKRUTOJË KANDIDATË PËR USHTARË/DETARË AKTIV NË FA.
09/02/2023
Duke ju përgjigjur kërkesës së Bashkisë Roskovec, u bëra pjesë e një analize të gjatë e të detajuar të drejtorive të kësaj bashkie për vitin raportues 2022.
Ndërsa statistikat shënojnë rritje të sipërfaqes së tokës së ujitshme apo nën regjim kullimi, shtim të rrjetit të rrugëve të parcelave, apo rritje të numrit të fermerëve të asistuar për aplikim për përfitim nga skemat e mbështetjes për bujqësinë, pretendimet e tyre për vitin 2023 ishin për një rritje më të fortë të këtyre treguesëve.
E ndërsa është arritur që shërbimi i pastrimit dhe i tërheqjes së mbetjeve urbane të mbulojë pothuajse të gjithë territorin e bashkisë Roskovec, Ata pretendojnë që nëpërmjet planit të menaxhimit të mbetjeve, që nënkupton diferencimin e mbetjeve apo kompostimin e mbetjeve bimore, të mund të rritet punëzënia dhe të bëhet ekonomi nga aktivitetet e riciklimit.
Raporti shpenzime operative/investime ne nivelin 6/4, të lë të kuptosh se bashkia ka ditur të adresoj drejt edhe interesat e së ardhmes, duke nënkuptuar këtu përfitime afatgjata nga buxheti i kushtuar investimeve.
Ulja e ndjeshme e borxhit të trashëguar ishte një tjetër arritje e kësaj administrate për 2022 e me synimin për ta zeruar borxhin e vjetër gjatë vitit 2023.
Në analizë u përfshiva përmes pyetjeve e komenteve dhe në fund i falënderova për arritjet e 2022 dhe për pretendimet ambicioze që do të jenë axhenda e objektivave të tyre për 2023.
