ANALIZA VJETORE 2022, E INSTITUCIONIT TE PREFEKTIT TE QARKUT FIER

ANALIZAT VJETORE TË PERFORMANCËS, JO SI NJË MOMENT DHE DOKUMENT PËR TU ARSHIVUAR POR SI PROÇES LLOGARIDHËNIE DHE ANGAZHIMMARRJE PËR TË PËRMBUSHUR OBJEKTIVAT NË NIVELIN E PRETENDIMEVE .

Në dukje rutinë për shkak periodicitetit të mbajtjes por të ndryshme dhe me specifike për nga përmbajtja , analizat vjetore të performancës janë një proces me rëndësi për çdo entitet publik apo privat.

Të veçantë e bëri analizën e këtij viti ( 2022), më tepër se prania e Zëvendës Ministrit të Brendshëm z. Julian Hodaj dhe drejtorit të Drejtorisë së Koordinimit të Prefekturave pranë kësaj ministrie z.Arben Xhaferi, vlerësimi dhe opinioni për punën e stafit të këtij institucioni si dhe mesazhi për fuqinë me të cilën duhet të angazhohemi të gjithë për të përballuar sfidat e vendit pretendent për anëtarësim në BE.

Një analizë që ndërsa identifikoi përmbushjen e suksesshme të objektivave të vendosura në çelje të vitit, nxori në pah edhe kapacitetet për arritjen e objektivave më ambicioz në funksion të ekzekutimit më të mirë të përgjegjësive .

Sa më mirë përmbushet një objektiv aq më legjitim është pretendimi për tejkalimin e tij në të ardhmen .

Objektivat tona nuk janë qëllim në vetvete por janë shkallë në ngjitje drejt qëllimit për të zhvilluar vendin dhe rritur mirëqenien , ndaj dhe nuk ka kufij të sipërm në përmbushjen e objektivave, çfarë na bënë të mbetemi gjithmonë e më të angazhuar .