Zhvillohet analiza vjetore të veprimtarisë së institucionit, për vitin 2024.

Institucioni i Prefektit të Qarkut Fier zhvilloi analizën vjetore të veprimtarisë për vitin 2024.

Takimi u çel me fjalën përshëndetëse të Prefektit z. Arben Çuko dhe raportimi i analizës u referua nga Sekretari i Përgjithshëm z. Arben Velo.

I pranishëm në këtë takim ishte përfaqësuesi nga Drejtoria e Çështjeve Vendore dhe Prefekturave në Ministrinë e Brendshme, z. Gazmend Vogli.

U diskutua në lidhje me synimet e përcaktuara për vitin 2024, si:

• Rritja e frymës institucionale dhe bashkëpunuese të Institucionit të Prefektit me NJVQV-të, degët territoriale dhe Policinë Vendore për zbatimin e programit qeverisës,
• Konsolidimi i veprimtarive me strukturat vendore dhe qendrore, për menaxhimin e Turizmit, Paketës së sigurisë në shkolla dhe situatës së pastrimit,
• Konsolidimi i metodologjisë së verifikimit te akteve normative,
• Efekti qeverisës në Qark, njohja, monitorimi dhe prezantimi,
• Menaxhimi i situatave të Emergjencave Civile.
• Problematikat e evidentuara:
• Menaxhimi i mbetjeve.
• Mungesa e rregullimit ligjor për sa i përket akteve jo normative në kompetencë të Prefektit.
• Dezinfektimi i zonës së mbrojtur Divjakë Karavasta në kohën e duhur.
• Pastrimi i vijës bregdetare.
• Mungesë e tabelave me Rregullat e Arta.