Takimi  i Komitetit Rajonal për parandalimin e Radikalizmit dhe Luftës kundër Ekstremizmit të Dhunshëm.

Sot  më datë 20.02.2025 ne sallën e Prefektit të Qarkut Fier, u zhvillua takimi  i Komitetit Rajonal për parandalimin e Radikalizmit dhe Luftës kundër Ekstremizmit të dhunshëm.

Morën pjesë anëtarë të këtij komiteti. Objekti i takimit  të sotëm ishte problematikat dhe funksionimi i Komitetit Rajonal , sipas urdhrit dhe orientimeve të KM. Në takim u theksua nevoja e bashkëpunimit dhe koordinimit të institucioneve në Qark për parandalimin, evidentimin dhe luftimin e fenomenit.

Rëndësia e sensibilizimit dhe informimit të komunitetit në lidhje me ekstremizmin dhe radikalizmin fetar është prioritet dhe në qendër të veprimtarisë të çdo institucioni  dhe njësie administrative. Siç u referua nga pjesëmarrësit në  takim, nuk ka patur raste të shfaqjes se radikalizmit dhe ekstremizmit të dhunshëm gjatë kësaj periudhe në Qarkun e Fierit.

U diskutuan problematikat në lidhje me mbështetjen dhe kujdesin social të shtresave në nevojë si dhe familjeve problematike në aspektin ekonomik, shoqëror e arsimor . Gjithashtu një vëmendje dhe kujdes i shtuar duhet tu kushtohet edhe viktimave të dhunës në familje, atyre të trafikimit si dhe të bullizmit në shkolla.

U diskutua për hapjen së shpejti të sezonit turistik 2025 që do të kërkojë një kujdes, gatishmëri dhe monitorim të vazhdueshëm sidomos në flukset e turistëve dhe  emigrantëve të paligjshëm. Kjo do të kërkojë koordinim dhe bashkëpunim të vazhdueshëm që lidhet me komunikimin, referimin dhe menaxhimin e rasteve të mundshme për periudhën e sezonit turistik.