Takim i Komitetit Rajonal për Parandalimin e Radikalizmit dhe Luftës Kundër Ekstremizmit të Dhunshëm të Qarkut Fier.
26/06/2025
Njoftohen urdhrat e Ministrit të Drejtësisë për heqjen e të licencës, noterëve: Ilir Qejvani dhe Ndriçim Cani.
05/08/2025
Në Institucionin e Prefektit të Qarkut Fier, nën drejtimin e Prefektit z. Arben Çuko, u zhvillua sot me 03.07.2025, një takim përmbyllës në kuadër të përfundimit të fazës së parë të projektit RESEAL – “Për Forcimin e Aftësisë Ripërtëritëse” në Shqipëri, i cili është zbatuar në qarkun Fier.
Në këtë aktivitet morën pjesë Drejtori i Përgjithshëm i Agjencisë Kombëtare të Mbrojtjes Civile (AKMC), z. Haki Çako, përfaqësuesja e përhershme e UNDP-së në Shqipëri, përfaqësues të Ambasadës Suedeze, si dhe drejtues të pushtetit vendor dhe të strukturave vendore të mbrojtjes civile.
Gjatë fjalës së tij, Prefekti Çuko theksoi se zbatimi i këtij projekti në qarkun Fier përfaqëson një hap të rëndësishëm drejt forcimit të gatishmërisë dhe qëndrueshmërisë së komuniteteve dhe strukturave vendore përballë çdo lloj emergjence. Kjo nismë garanton një reagim më të shpejtë, më efikas dhe më të koordinuar në menaxhimin e pasojave të situatave emergjente që mund të prekin jetën e njerëzve, gjënë e gjallë, pronën, trashëgiminë kulturore apo mjedisin në qarkun Fier.
Falë projektit RESEAL, sot Prefektura dhe gjashtë bashkitë e qarkut Fier janë më të përgatitura dhe të pajisura me një set të plotë dokumentesh strategjike për Zvogëlimin e Riskut nga fatkeqësitë në nivel vendor, që përfshijnë:
- Dokumentin e Vlerësimit të Rrezikut nga Fatkeqësitë
- Strategjinë Vendore për Zvogëlimin e Riskut
- Planet Vendore për Emergjencat Civile.
Ky projekt përbën një model të suksesshëm bashkëpunimi ndërmjet institucioneve vendore dhe partnereve ndërkombëtarë, në funksion të përmirësimit të kapaciteteve për përballimin e emergjencave.
