Takim me fokus sigurinë në shkollat e qarkut Fier.

Sot, më datë 26.11.2024, në Institucionin e Prefektit të Qarkut, me kërkesën e Prefektit, z. Arben Çuko, u zhvillua takimi me fokus sigurinë në shkolla. Në takim morën pjesë Drejtori i Policisë së Shtetit, drejtues të Zyrave Vendore Arsimore Parauniversitare të Qarkut, Drejtues të policisë Bashkiake si dhe specialistë të arsimit.

Nisur nga ngjarja e rëndë e ndodhur pak ditë më parë në shkollën ” Fan Noli” u diskutua për masat që duhen marrë për të rritur në nivele më të larta sigurinë në shkolla. Gjatë takimit dolën në pah disa problematika:

Nevoja për shtimin e numrit të oficerëve të sigurisë në shkolla

Moslejimi në mënyrë kategorike i përdorimit të telefonave nga nxënësit në mjediset e shkollës

Identifikimi i nxënësve problematikë nga ana e mësuesve kujdestarë dhe shfaqja e një kujdesi më të shtuar ndaj tyre

Rritja e masave të sigurisë nga ana e policisë së shtetit

Kontroll i bizneseve që operojnë pranë shkollave

Takimi vendosi theksin tek bashkëpunimi midis të gjitha institucioneve publike dhe jopublike për arritjen e objektivave me interes të përbashkët në dobi të komunitetit.