Takim koordinues dhe sensibilizues për veprimtarinë e luftës kundër kultivimit të kanabisit

Në Institucionin e Prefektit të Qarkut Fier u zhvillua takimi koordinues dhe sensibilizues për veprimtarinë e luftës kundër kultivimit të kanabisit, në zbatim të detyrimeve ligjore të përcaktuara në Strategjinë Kundër Krimit të Organizuar dhe Krimeve të Rënda 2021 – 2025.

Takimi u drejtua nga Prefekti i Qarkut Fier z. Arben Çuko, me drejtues dhe përfaqësues të strukturave të Drejtorisë Vendore të Policisë Fier, Njësive të Vetëqeverisjes Vendore të Qarkut, organeve ligjzbatuese dhe Institucioneve Qendrore në nivel lokal.

Në këtë takim u analizua puna e bërë dhe rezultatet e arritura, si dhe objektivat për vitin 2025 duke venë theksin në intensifikimin e punës së përbashkët për luftën pa kompromis ndaj këtij fenomeni.

Në përfundim, Prefekti, z. Arben Çuko, kërkoi nga të gjithë institucionet angazhim maksimal në drejtim të shkëmbimit të informacioneve, organizimit të kontrolleve të vazhdueshme të territorit dhe ushtrimit të kompetencave ligjore për përmbushjen me sukses të këtij prioriteti të qeverisë shqiptare.