Takim konsultativ për krijimin e Platformës Kombëtare për Menaxhimin e Riskut nga Fatkeqësitë.

Në kuadër të faktit që Qarku Fier është qarku i parë në vend ku u pilotua hartimi dhe miratimi i dokumenteve strategjike për Zvogëlimin e Riskut nga Fatkeqësitë, në Institucionin e Prefektit të Qarkut Fier, u zhvillua një takim konsultativ për krijimin e Platformës Kombëtare për Menaxhimin e Riskut nga Fatkeqësitë (NP4DRM).

Takimi u zhvillua nën koordinimin e Agjencisë Kombëtare të Mbrojtjes Civile (AKMC) dhe me mbështetjen e UNDP, me pjesëmarrjen e institucioneve dhe aktorëve përkatës, me qëllim forcimin e koordinimit, dialogut dhe koherencës së politikave për Zvogëlimin e Riskut nga Fatkeqësitë, në nivel kombëtar dhe vendor.

Bashkëpunim për më shumë qëndrueshmëri dhe siguri për komunitetet tona