Takim i Komisionit të Mbrojtjes Civile të Qarkut Fier.

Sot, më datë 12 nëntor 2025, në ambientet e Institucionit të Prefektit të Qarkut Fier, nën drejtimin e Prefektit z. Anduel Xhindi, u zhvillua mbledhja e Komisionit të Mbrojtjes Civile të Qarkut Fier.

Gjatë takimit u trajtuan këto tematika kryesore:

Analizë e shkurtër e situatave emergjente gjatë sezonit të verës;

Ecuria e masave të marra nga strukturat vendore dhe problematikat e evidentuara për përballimin e emergjencave të mundshme gjatë dimrit;

Gatishmëria e kapaciteteve logjistike dhe njerëzore për përballimin e situatave emergjente;

Sigurimi i funksionimit të sistemit të paralajmërimit të hershëm.

Në fjalën e tij, Prefekti z. Anduel Xhindi falënderoi strukturat e sistemit të mbrojtjes civile në nivel qarku për angazhimin, bashkëpunimin, koordinimin dhe forcën e reagimit në përballimin me sukses të situatave të krijuara nga zjarret gjatë sezonit të verës.

Gjithashtu, Prefekti kërkoi nga strukturat përkatëse që, me të njëjtën frymë bashkëpunimi dhe përkushtimi, të vijojnë përgatitjet dhe marrjen e masave të nevojshme për përballimin e situatave të mundshme emergjente gjatë stinës së dimrit.

Më pas, takimi vazhdoi me prezantimin e një materiali mbi masat e marra dhe realizimin e detyrave konkrete nga strukturat përgjegjëse, si dhe me diskutime nga të pranishmit.