Takim i Tryezës Teknike të Luftës kundër Trafikimit të Personave.

Sot, më datë 27.02.2025, në Institucionin e Prefektit të Qarkut Fier u zhvillua takimi i Tryezës Teknike të Luftës kundër Trafikimit të Personave. Në këtë takim morën pjesë anëtarët e Tryezës Teknike në qark.  Sekretari i përgjithshëm i Prefektit të Qarkut  z. A. Velo, prezantoi disa nga detajet e kalendarit të aktiviteteve  për luftën kundër trafikimit të personave të vitit 2025.U diskutua gjithashtu për një qasje  të re, më reale në lidhje me parandalimin dhe luftën  kundër trafikimit të personave .

• Duke parë se fenomeni i trafikimit është  një  dinamikë në zhvillim e perfeksionim përsa i përket mënyrave dhe mjeteve, që përdorin trafikantët ndaj viktimave ,kërkohet një bashkëpunim dhe komunikim më i ngushtë me koordinatorët e njësive të vetëqeverisjes vendore me organet ligj zbatuese në lidhje me menaxhimin dhe trajtimin e rasteve  sidomos në  evidentimin e tyre .
• Standardizimi dhe formatimi i monitorimit të fenomenit të trafikimit të personave. Rishikimi i procedurave dhe i standardeve .Një trajnim i vazhdueshëm i personelit . Për këtë të kërkohet nga koordinatori kombëtar i ministrisë krijimi i një kalendari trajnimesh duke pasur parasysh raste konkrete trafikimi personash ,përfshirë edhe aktorët pjesëmarrës.

Të bëhet buxhetimi dhe financimi i aktiviteteve të Prefekturës së Qarkut. Të llogaritet “marzhi” i kostos për çdo aktivitet dhe veprimtari në fushën e antitrafikimit të personave.

• Të kërkohet një informacion i hollësishëm nga DAR-i dhe ministria përkatëse në lidhje me kontrollin e sigurisë në shkollat jopublike në qark, për dhunën dhe bullizmin në këto institucione arsimore.
• Programimi dhe integrimi ne kurrikula i një ore edukimi, sensibilizimi në shkolla në lidhje me trafikimin e personave, dhunën dhe bullizmin .Gjithashtu një vlerësim risku i fenomenit në shkollat e qarkut
• Të kërkohet një informacion i detajuar në lidhje me shërbimin piko-social dhe mënyra si funksionon ky shërbim.