Takim i Prefektes së Qarkut Fier, me Përfaqësues të Agjencisë Japoneze për Bashkëpunim Ndërkombëtar.

Përfaqësues të Agjencisë Japoneze për Bashkëpunim Ndërkombëtar (JICA) dhe të Agjencisë Rajonale të Zonave të Mbrojtura Fier u pritën në Institucionin e Prefektit të Qarkut Fier nga Prefektja Rajmonda Balilaj.

Prefektja falënderoi qeverinë japoneze dhe projektin “JICA” në Parkun Kombëtar Divjakë Karavasta në ngritjen e kapaciteteve për përmirësimin e menaxhimit të ekosistemeve, arritjet e projektit si dhe punën që po kryhet dhe këtë fillim viti, deri në përfundimin me sukses të projektit në maj 2024.

Përfaqësuesit e projektit vlerësuan bashkëpunimin me Institucionin e Prefektit në zbatimin e këtij projekti si dhe rolin e punën e Prefektit si drejtues i Komitetit të Zonave të Mbrojtura.

Ky projekt po kontribuon në krijimin e një modeli, i cili harmonizon ruajtjen dhe shfrytëzimin e qëndrueshëm të zonave të mbrojtura dhe promovon një qasje të menaxhimit të ekosistemit.