Takim i Komitetit Rajonal Antitrafikim, i qarkut Fier.

Sot më datë 07.11.2024 në sallën e mbledhjeve të Institucionit të Prefektit të qarkut Fier u mbajt takimi i Komitetit Rajonal Antitrafikim.

Takimi  veç të tjerash kishte   për qëllim:

• të evidentojnë problematikat e hasura gjatë zbatimit të Urdhrit të KRAT ekzistues;
• të adresojnë çështjet kryesore që karakterizojnë secilin qark;
• të  propozojnë sugjerime dhe mendime për urdhrin e ri që do të hartohet;
• të iniciojnë qasje të reja për mirëfunksionimin e aktit të ri që do të hartohet, duke pasur parasysh ndryshimet strukturore të kuadrit institucional dhe duke i duke i paraprirë ndryshimeve ligjore në fushën antitrafikim.

Takimi u hap me fjalën përshëndetëse, të  Prefektes  në detyrë Znj. Mbarime Isufaj

Më pas takimi vazhdoi me prezantimin nga përfaqësuesit e Ministrisë së Brendshme, të Planit të Veprimit Antitrafikim 2024-2025 , të draft urdhrit të ri dhe risitë që sjellin këto dy dokumente, për tu përshtatur me sfidat e momentit dhe të së ardhmes.

Takimi vazhdoi me diskutime  për urdhrin e mëparshëm dhe sugjerime dhe propozime për urdhrin e ri , nga ana e Kryetarit të Tryezës Teknike Z. Arben Velo dhe anëtarët e tjerë të KRAT dhe TT-së.