Organizohet “Dita Hapur në Komunitet”, nga Strukturat e Forcave të Armatosura.

Prefekti i Qarkut Fier, gjatë ditës së sotme mori pjesë në aktivitetin e organizuar dhe zhvilluar nga Strukturat e Forcave të Armatosura të Republikës së Shqipërisë, në kuadër të “Ditës së Hapur në Komunitet”, ku promovuan aktivitetet, armatimin, pajisjet, si dhe u shpërndanë banera dhe fletë-palosje me qëllimin sensibilizimin dhe afrimin e të rinjve për t’u bërë pjesë e Forcave të Armatosura.
Për të pranishmit, Prefekti u shpreh mbi kushtet e përmirësuara që ka personeli i Forcave të Armatosura, si: të ardhura mujore më dinjitoze, shërbim shëndetësor për vete dhe familjarët, arsimim dhe aftësim profesional në vazhdim brenda dhe jashtë vendit, përgatitje fizike dhe mirëarmatim sipas standardeve të NATO-s.
Prefekti theksoi se shërbimi në Forcat e Armatosura është jo vetëm një detyrë patriotike, por edhe një mundësi për të qenë aktiv dhe për t’u zhvilluar profesionalisht dhe personalisht.