NUK KA ZJARR PA ZJARRVËNËS, NDAJ DUKE MBAJTUR DORËN E ZJARRVËNIES MUND TA SHUAJM NJË ZJARR ENDE PA NDEZUR.

PARANDALIMI i zjarreve, nëpërmjet një pune sensibilizuese nga të gjithë dhe me të gjithë, ishte kryetema e takimit të sotëm të thirrur nga kryetarja e bashkisë Lushnje z. Eriselda Sefa, me kryetarë e Njësive Administrative dhe kryetarët e fshatrave .

Ne vlerësim të rëndësisë së kësaj tematike dhe në rolin e Kryetarit të Komisionit të Mbrojtjes Civile për Qarkun Fier asistova këtë takim së bashku me Drejtorin e Drejtorisë Vendore të Policisë së Qarkut Fier Z. Lorenc Panganika dhe Shefin e Komisariatit të Policisë Lushnje Z. Agim Basha.

Duke vlerësuar pasojat e riskut nga zjarret potenciale dhe duke synuar minimizimin në maksimum të kostove të këtij rrisku, kërkova vëmendje :

-Për angazhim më të fortë të Kryetarëve të Njësive Administrative dhe Kryetarëve të fshatrave në fushatë sensibilizuese me synimin për të PARANDALUAR që ngjarjet të ndodhin

-Për të fuqizuar marrëdhëniet e bashkëpunimit me strukturat e Policisë së Shtetit dhe kryesisht me SPZ-t si për të adresuar së bashku fushatën sensibilizuese ashtu edhe për të identifikuar personat përgjegjës për zjarrëvëniet .

-Për njoftimin e hershëm të situatës së zjarreve përpara se ato të marrin përmasa të konsiderueshme e të dalin jashtë kontrollit .