Ndahet nga jeta ish-Prefekti i qarkut Fier  Baki BALA.

Ai erdhi, punoi dhe iku!

Sot në datë 18.12.2025 ju dha lamtumira e fundit,  ish-Prefektit të qarkut Fier  Baki BALA.

Ne si Administratë i respektuam ardhjen, në rolin e Prefektit, përfaqësuesit të Qeverisë, me atë prurje të papërballueshme të energjisë së tij, të lumit të kërkesave për zbatimin e ligjit, nderet reale ndaj problemeve të qytetareve, morinë e ideve të shndërruara në punë e realizim,

I respektuam punën, duke i dhënë kohën dhe mbështetjen tonë.

Ai punoi si një dëshmitar i një fjalëmbajtësi, kërkuesi dhe zbatuesi korrekt të ligjit. Dhe iku drejt Spitaleve, Në Milano, për të mos u ndjerë i kërcënuar nga lufta e sëmundjes së pashërueshme. Sepse ishte ushtarak dhe nuk jepej nga vështirësitë e pa kërkuara kurrë prej tij, por që i ndeshte dhe i respektonte si të ishin fqinj apo bashkudhëtarë në rrugën e realizimeve të dëshirave të veta.

Iku duke mos marrë asnjë çmim lëvdate Në fakt e ka ngritur lapidarin e mirënjohjes. Mbeti në arkivën e kujtesës tonë dhe atë të Institucionit me firmën e vet që e kishte lemeri derisa ta hidhte në fletë, Ndërsa kur e hidhte, lehtësonte gjithkënd dhe nuk ndjehej i kërcënuar, por i pacënuar.

Iku dhe mori si çmim respektin!

“Një kitarë dëgjohet larg

Tingujt e saj djegin këtë nate

Ne vena më shpërthen llave e zjarrte

Prej mallit tim te bere mal.”

Janë vargjet e një poezie të tij që e dërgoi si urim në natën e ndërrimit të viteve 2024-2025.

.E di që e mërmërit edhe sot në arkëmort ku u shtri për t’u qetësuar, duke ndjekur tingujt e një kënge të pambaruar dhe treguar se kitara e tij diku këndon e nuk pushon

“Një kitarë diku këndon

E ngre peshe zemrën time

Me mendje nis edhe takojë

Miq te vjetër neper kujtime.”

I paharruar dhe të qoftë dheu i lehtë BAKI BALA!