Nderime me “Certifikatën e Mirënjohjes ” nga Konsulli i Nderit i Republikës së Shqipërisë në Ukrainë .
08/09/2022
ARSIMI PROFESIONAL – NJE PRODUKT ME POROSI NGA TREGU I PUNËS
12/09/2022
EDUKIMI ËSHTË I KUSHTUESHËM POR PADIJA
ËSHTË SHUMË MË E KUSHTUESHME
————————————————————————–
Të dashur fëmijë, nxënës të klasës së parë, më lejoni ti bashkohem emocionit tuaj, të mësuesve tuaj, të prindërve dhe gjyshërve tuaj.
Ju jeni shumë të vegjël për të kuptuar rëndësinë e rrugës që po nisni, për të ardhmen tuaj, të familjes, vendit dhe botës të së nesërmes.
Rruga që ju nisni sot do të marrë kohë për të mos thënë që nuk mbaron kurrë.
Ju, pas disa vitesh do te mbaroni shkollën por jo edukimin.
Fillimet janë gjithmonë të vështira, por të jeni të sigurt se me ju do të jenë gjithmonë mësuesit dhe prindërit, për të mos t’ju lënë vetëm në këtë garë maratonë.
Ata do të jenë aty për t’ju bashkangjitur përpjekjeve tuaja dhe për të bërë të mundur suksesin tuaj.
Të dashur nxënës të klasave më të larta,
me lejoni t’ju mirëkuptoj për emocionin e ri të një niveli me të lartë që ka të bëjë me përballjen me sfidat e reja në fushën e dijes e të zbulimit të shumë PSE-ve me të cilat lidhen sekretet e shpjegimit të botës.
Ju tashmë e keni kuptuar që rruga e dijes është një e përpjetë e madhe, një punë, jo për ekskursionistët kurioz por për njerëzit kurajozë.
Sa më lartë ngjitesh në atë të përpjetë, aq më shumë kurajo, durim, vullnet, këmbëngulje e sakrifice kërkohet.
Ju duhet shpesh të abstragoheni nga disa argëtime dhe për këtë ju duhet të gjeni kurajon e nevojshme që ta bëni, në këmbim të objektivit për sukses.
RRËNJËT E ARSIMIT JANË TË HIDHURA, POR FRUTI ËSHTË I ËMBËL –thotë ARISTOTELI.
Të dashur nxënës ju duhet të kuptoni se kur ju bëni sukses, falë punës tuaj, përkushtimit të
mësuesit dhe mbështetjes së fortë të prindërve, gjithë shoqëria regjistron një sukses.
Mos harroni që jeni qytetar të botës dhe dija juaj do të jetë pjesë e trashëgimisë së saj në të
ardhmen.
Të nderuar prindër
Nuk dua t’ju marrë leje për të qenë njëri prej jush sepse unë jam në fakt një prind nxënësi.
Para se të pretendojmë në mënyrë të vazhdueshme për sukses nga fëmijët tanë, le të tregojmë se jemi në mënyrë të pareshtur në krah të tyre, në përpjekjet për t’ju ngjitur të përpjetës së dijes.
Le të kuptojmë se ata kanë nevojë më tepër për përkushtim se sa për kushte.
Ata kanë nevojë për t’ju thënë se sfidat janë steka objektivash të vendosura nga koha.
