Vizitë e studentëve të  Kolegjit të Mbrojtjes dhe Sigurisë ,në Institucionin e Prefektit të Qarkut Fier.

Sot, në kuadër të programit për Kursin e Lartë të Oficerit, studentët e Kolegjit të Mbrojtjes dhe Sigurisë realizuan një vizitë mësimore në Institucionin e Prefektit të Qarkut Fier.

Gjatë kësaj vizite, Prefekti i Qarkut prezantoi strukturën organizative, detyrat dhe planet e zhvillimit të Institucionit të Prefektit, si dhe planet e bashkëpunimit me Forcat e Armatosura, me fokus të veçantë në situatat emergjente.

Në vijim, gjatë një diskutimi të hapur, studentët dhe drejtuesit e institucionit ndanë mendime dhe sugjerime për përmirësimin e këtij bashkëpunimi dhe rritjen e efektivitetit në menaxhimin e situatave emergjente.