Prefekti në detyrë, znj. Mbarime Isufaj, uron fillimin e vitit të ri shkollor në shkollën 9 vjeçare “Naim Frashëri”

Në kuadër të nisjes së fillimit të vitit të ri shkollor 2024-2025, Prefekti në detyrë, znj. Mbarime Isufaj, së bashku me drejtoren e ZVAP Fier, znj. Miglena Sofroni, e nisi urimin nga shkolla 9 vjeçare “Naim Frashëri” totalisht e rikonstruktuar, për një mbarëvajtje më të mirë të procesit mësimor dhe me kushte më të mira për nxënësit dhe mësuesit!

Urim i veçantë shkon për nxënësit e klasave të para, për një rrugëtim të mbarë në rrugën e gjatë dhe të pafund të të nxënit!

Shkolla 9-vjeçare “Naim Frashëri” në Fier, është një investim i Ministrisë së Arsimit dhe Sportit dhe bashkisë Fier, dhe  do tu shërbejë 850 nxënësve  dhe mësuesve.

Ajo është pjesë e programit të rehabilitimit të shkollave dhe terreneve sportive të Ministrisë së Arsimit dhe Sportit, pushtetit vendor dhe partnerëve ndërkombëtarë.Pas rikonstruksionit shkolla ka parametra bashkëkohorë duke zgjeruar, jo vetëm hapësira, por edhe mjedise relaksuese, ndihmëse për stafin dhe gjithashtu edhe palestra e re, e cila është me standarde më të mira.