ANALIZA E PUNËS SË DREJTORISË RAJONALE TË ARSIMIT PARAUNIVERSITAR, FIER.

ARSIMIMI I MIRË NUK ËSHTË NJË MEDALJE NË QAFËN E SHOQËRISË POR KOMPETENCË E FITUAR PËR TA BËRË SHOQËRINË MË TË LIRË MË DEMOKRATIKE E MË TË MIRËQËNË .

Me analizën e punës së DRAP Fier u përmbyll cikli i analizave të sistemit arsimor të qarkut Fier.

Institucioni i Prefektit të Qarkut Fier ndoqi nga afër të gjitha analizat e ZVAP-eve dhe DRAP-it, duke treguar shumë vëmendje ndaj përmbushjes së objektivave qeverisës në fushën e arsimit.

Përmbushja e suksesshme e misionit të arsimimit dhe edukimit nuk nënkupton një aktivitet certifikimi por një proces përgatitje të një qytetari me njohuri, shkathtësi, qëndrime e vlera që kërkohen nga një shoqëri demokratike si dhe të aftë për t’u përballur në mënyrë konstruktive me sfidat e jetës.

Prefekti, z. Shehaj vlerësoi analizën e DRAP Fier për nivelin e realizmit me të cilin ishin evidentuar arritjet në raport me një vit më parë apo me objektivat vjetor, si dhe mos përmbushjet në nivelin e pritjeve.

Këto të fundit ishin përcaktuar si axhenda për adresim me fokus nga ana e DRAP Fier për vitin 2023, çfarë tregon për një integritet në ushtrimin e përgjegjësive nga ana e kësaj drejtorie.