Një marrëveshje e vullnetit të mirë, ideuar me mendje, nënshkruar me zemër.

Midis të tjerash në fjalën e tij Prefekti Shehaj e cilësoi këtë ditë pjesë të një ngjarjeje historike të nënshkrimit të një marrëveshje bashkëpunimi midis Prefektit të Qarkut Fier dhe Rajonit të Kharkivit, Ukrainë.
Ai falënderoi në emër të palës shqiptare në këtë marrëveshje, përfaqësuesit e rajonit të Kharkivit që gjetën kurajën dhe guxuan të shikonin përtej të sotmes së luftës, drejt Ukrainës së ardhme të paqes, drejt një vendi që pret të rilind nga hiri i gërmadhave.
Mirënjohje edhe për mikun e përbashkët të të dy palëve, atij që diti të zgjojë qasjen mes nesh, thelloj njohjet tona dhe identifikoj fushat me interes për bashkëpunim me përfitim reciprok, atij që bënë me nder këtë marrëveshje me praninë e tij, Konsullit të Nderit të Shqipërisë në Ukrainë, z. Shahin Omarov .
Koha në të cilën po nënshkruhet kjo marrëveshje, nuk është më e mira, madje për pesimistët është e pamundur, por pala mike dhe populli i Ukrainës, të bindur në drejtësinë e kauzës së lirisë dhe luftës së tyre mbrojtëse janë duke e parë vendin e tyre në të ardhmen, në paqe, të rindërtuar e shumë më të zhvilluar.
Kjo marrëveshje që nënshkruam sot edhe pse i referohet dy rajoneve nënshkruese, rrjedh nga marrëdhëniet midis dy qeverive tona, marrëdhënie të cilat në këtë aktualitet kanë marrë një kuptim të ri.
Ballafaqimi i Ukrainës me agresionin rus për të mbrojtur jo vetëm jetët dhe territorialitetin e saj por edhe kauzat e lirisë, paqes dhe vlerat e qytetërimit perëndimor, ka marrë admirimin dhe mbështetjen e fuqishme nga SHBA, BE, NATO dhe shumë qeveri të tjera nëpër botë.” Qeveria e Shqipërisë ka manifestuar me një seri aktesh mbështetjen e fuqishme ndaj kauzës së lirisë, sakrificave sublime dhe luftës mbrojtëse të popullit Ukrainas” tha mes të tjerash zoti Shehaj.

Kryetarja e Këshillit Rajonal të Kharkivit, Znj. Tetiana Yehorova-Lutsenko tha se me këtë marrëveshje i hapet rrugë perspektivës së mardhënieve mes rajonit Fier dhe rajonit të Kharkivit pas përfundimit të luftës.

“Ne po çlirojmë territorin nga pushtuesit rusë- pohoi ajo, ndërsa e kemi të qartë perspektiven tonë evropiane .
Ajo theksoi rëndësinë e këtij bashkëpunimi. “Është një diçka shumë serioze kjo marrëveshje që nënshkruam sot . Nuk është thjeshtë një angazhim midis shteteve por edhe mes qyteteve dhe qytetarëve ajo çfarë e bënë më të rëndësishme këtë marrëveshjeje.
Ne të gjithë e dimë, si struktura shtetërore se çfarë duan bizneset dhe se si do të veprojmë në vijim .
Detyra jonë është të bashkojmë gjithë energjitë dhe mundësitë që të gjithë ata persona që jetojnë në rajonet tona të përfitojnë në maksimum nga shkëmbimet tregtare mes bizneseve nga të dyja anët.

Pas nënshkrimit delegacioni vizitoi një biznes të prodhimit të vajit dhe produkteve të tjera ushqimore në qytetin Fier. Subjekti ka një historik të gjatë marrëdhëniesh bashkëpunimi me rajonin e Kharkivit Ukrainë. Delegacioni u prit në ambientet e biznesit nga Administratori i tij z. Bajram Dine i cili në fjalën e tij ndër të tjera tha –

“ Ju sot ndodheni në një nga bizneset e qytetit Fier që ka një marrëdhënie afatgjatë bashkëpunimi me krahinën e Kharkivit , Ukrainë . Edhe para luftës ne ishim duke punuar me subjekte furnitore nga qyteti i Kharkivit . Qëkurse ka filluar lufta në Ukrainë, dërgesat e vajit nga Kharkivi janë bërë të pamundura çfarë ka bërë që prej një jave ne të mos kemi produkte për shitje .

Kryetarja e Këshillit Rajonal të Kharkivit  znj. Tetiana Yehorova-Lutsenko tha se me këtë marrëveshje i hapet rrugë perspektivës së marrëdhënieve mes rajonit Fier dhe Kharkivit pas përfundimit të luftës. “Ne po çlirojmë territorin nga pushtuesit rusë- pohoi ajo ,ndërsa e kemi të qartë perspektivën tonë evropiane”

Duam të falënderojmë qeverinë shqiptare. Duam të falënderojmë shqiptarët pasi jemi në dijeni që gjatë kësaj kohe ka shumë shtetas ukrainas që kanë ardhur dhe jetojnë në Shqipëri. Për ne është e rëndësishme që Shqipëria na ka dalë në krahë në këtë luftë mbrojtëse në emër të lirisë dhe vlerave më të mira të perëndimit ”

Më pas axhenda vijoi me një vizitë në parkun arkeologjik të Apolonisë. Gjatë kësaj vizite anëtarët e delegacionit ukrainas u njohën me shumë artefakte që hedhin dritë mbi një qytetërim mijëravjeçar shumë të zhvilluar nga pikëpamja ekonomike , kulturore , administrative dhe e infrastrukturës .

Gjatë ceremonisë merrnin pjesë Drejtoresha e Drejtorisë së Përgjithshme e Politikave për Çështjet Vendore dhe Prefekturat në Ministri të Brendshme Alma Bime, kryetarët e Bashkive të qarkut Fier, Kryetarja e Këshillit të qarkut si dhe Konsulli i Nderit i Republikës së Shqipërisë në Ukrainë z. Omarov Shahin, Konsulli i Nderit i Ukrainës në Republikën e Shqipërisë Z. Bledi Barjaktari.