ANALIZA VJETORE E PUNËS SË ZVAP LUSHNJE .

“Mësojini!- kanë thënë të urtit; Fëmijët tuaj të dinë më shumë se ju, se ata janë për një kohë më tej se koha juaj.” – N. Frashëri

Në përmbushje të përgjegjësive kontrolluese dhe monitoruese të Institucionit të Prefektit, Prefekti i Qarkut Z. Lefter Shehaj ,së bashku me përfaqësuesen e DRAP Fier dhe specialisten e Sektorit të Monitorimit të Kompetencave Vendore dhe Funksioneve të Deleguara znj. Engjëllushe Gjatari ndoqën nga afër zhvillimin e analizës vjetore të punës së ZVAP Lushnje .

Rezultatet vjetore të kalueshmërisë dhe notës mesatare si dhe ato të testimeve VANAF, Provimit Kombëtar të Arsimit Bazë , apo të Maturës Shtetërore, të raportuara në analizë ishin statistika që meritonin vlerësim, pasi shënonin përmirësim në pothuajse të gjithë treguesit në raport me treguesit e një viti më parë .

Përtej mirënjohjes për punën e përkthyer në rezultate, të stafeve mësimdhënës, të drejtuesve të shkollave dhe drejtimit të ZVAP, Z. Shehaj kërkoi  adresimin më me fokus të çështjeve që lidhen me :

Fenomenin e diferencës së ndjeshme të notës në maturë me notën vjetore

Braktisjen e shkollës nga kategori apo komunitete që kanë një qasje indiferente ndaj shkollës .

Prezencën e punonjësit psiko-social për të asistuar nxënësit .

Prezencën e mësuesit special për të përballuar të gjitha kërkesat për nxënësit me nevoja të veçanta arsimore .

Angazhimin më të madh për ti dhënë jetë projektit të Ministrisë së Arsimit ” Art, zeje dhe sport ” , me synimin për të provokuar inteligjencën e nxënësve, për të zbuluar e vënë në punë talentin e tyre dhe për ti çliruar nga  ” kurthi i celularit ” .