555-Vjet nga dita e përjetësimit të Heroit tonë kombëtar Gjergj Kastriot Skënderbeut.

SKËNDERBEU – HEROI YNË KOMBËTAR DHE PARAZMORIA E QYTETËRIMIT EUROPIAN

555-Vjet nga dita e përjetësimit të Heroit tonë kombëtar Gjergj Kastriot Skënderbeut dhe ende mbetët dritë për t’u hedhur mbi përmasat e tij jo vetëm në memorien tonë por edhe në memorien evropiane .

Më poshtë, sillen disa nga thëniet e Skënderbeut dhe thëniet për Skënderbeun .

Kur bëhet bashkë e mira me të mirën, veç mirësi ka. Kështu ka ndodhur sa herë që kam pasur të bëj me njerëz të mirë.

(Përgjigja e Skënderbeut dhënë ambasadorit të tij Gjergj Pelinit, 8 korrik 1457).

Ne kemi kërkuar të ruajmë besën, në mbrojtje të së cilës kemi kaluar rreziqe sa nuk mund të numërohen, dhe sa herë e kam përballuar vdekjen me dashje.

(Përgjigja e Skënderbeut drejtuar Princit të Tarantes Johannes Antonius de Ursinis,

31 tetor 1460.)

Çfarëdo që të ndodhë, unë do jem mik i virtytit, dhe jo i fatit.

(Përgjigja e Skënderbeut drejtuar Princit të Tarantes Johannes Antonius de Ursinis,

31 tetor 1460.)

Për Skënderbeun kanë thënë :

Sulltan Mehmeti II

“Kurrë s’ka për të dalë më mbi tokë një luan i tillë!”

Voltaire, (Volter) François-Marie Arouet, shkrimtar francez

“Sikur ta kishte mbrojtur Skënderbeu Konstantinopolin, turqit nuk do të kishin mundur ta merrnin në maj 1453”.

Gjenerali Xhejms Volfi, heroi i Kebekut

“Ai (Skënderbeu) ua kalon gjithë oficerëve, të lashtë e të sotëm, për drejtimin e një ushtrie të vogël mbrojtëse!”